2,9 миллионнан астам адам «42 500 теңге» төлемін екінші рет алды

2,9 миллионнан астам адам «42 500 теңге» төлемін екінші рет алды

Ағымдағы жылғы 15 мамырдағы жағдай бойынша 2,9 млн-нан астам қазақстандық төтенше жағдай режимі (бұдан әрі – ТЖ) кезеңінде табысынан айырылуына байланысты Мемлекеттік әлеуметтік сақтандыру қорынан (бұдан әрі – МӘСҚ) 42 500 теңге мөлшерінде екінші төлем алды.

Осы бағытта жұмыс жалғасуда.

Бұған дейін хабарлағандай, төлемді есептеу үшін алғашқы ай ретінде 16 наурыздан бастап 15 сәуір аралығы алынады. Қазіргі төтенше жағдай бойынша екінші ай 16 сәуірден 11 мамырға дейін.

Жоғарыда айтылғандарға сәйкес, 16 сәуірге дейін өтініш берген азаматтар (әлеуметтік жәрдемақылар тағайындау қашан жасалғанына қарамастан), төтенше жағдай кезінде табысынан айырылуына байланысты Мемлекеттік әлеуметтік сақтандыру қорынан төлемдер тағайындау ережесінде көрсетілген шарттарды сақтай отырып, «42 500 теңге» төлемге екінші айда үміткер бола алады. 16 сәуірден бастап 11 мамыр күні сағат 18.00-ге дейін өтініш берген азаматтар бір рет төлем алуға үміткер бола алады.

Естеріңізге сала кетейік, төтенше жағдай режимінің тоқтатылуына байланысты 2020 жылғы 11 мамырда сағат 18.00-ден бастап «42 500 теңге» төлемін тағайындауға жаңа өтініштерді қабылдау аяқталды.

Жоғарыда көрсетілген мерзімге дейін келіп түскен барлық өтініштер белгіленген тәртіппен қаралатын болады және өтініш төтенше жағдай кезінде табысынан айырылуына байланысты МӘСҚ-тан төлемдер тағайындау қағидаларында көрсетілген шарттарға сәйкес келген жағдайда «42 500 теңге» әлеуметтік төлем тағайындалады және төленеді.

Бұрын берілген өтінішті қарау мәртебесін 42500.enbek.kz сайтында білуге болады.

 «42 500 теңге» төлемі енгізілген сәттен бастап оны 4,5 млн адам алды.

http://www.gov.kz/memleket/entities/enbek?lang=kk

Қазақ